Shpërthimi në Tregun e Kafshëve në Prizren, Prokuroria: Tre të dyshuar, njëri është arrestuar, dy të tjerë në kërkim

12:08 | 22 Nëntor 2023
Gita

Tre persona dyshohet se janë përfshirë në shpërthimin të Tregu i Kafshëve në Prizren, ku mbetën të lënduar dhjetë persona.

Sipas njoftimit të Prokurorisë Themelore në Prizren, shpërthimi ka ndodhur sot rreth orës 04:50 të mëngjesit, raporton Arbresh.info

“Prokuroria Themelore në Prizren, ju njofton se sot rreth orës 04:50 të mëngjesit ka ndodhur një shpërthim në Tregun e Kafshëve në Prizren. Nga ky shpërthim dhjetë persona kanë pësuar lëndime trupore, pesë prej tyre janë dërguar në QKUK në Prishtinë për trajtim të mëtutjeshëm mjekësor, ndërsa pesë persona tjerë janë liruar në shtëpi pas trajtimit në Spitalin Rajonal të Prizrenit”, bënë të ditur prokuroria.

Në vendin e ngjarjes kanë dalë prokurori kujdestar dhe njësitë relevante policore për të hetuar rastin.

Po ashtu, prokuroria ka bërë të ditur se lidhur me rastin, tre persona të dyshuar janë identifikuar, njëri prej tyre është arrestuar dhe gjendet nën masën e ndalimit, ndërsa dy të dyshuarit tjerë janë në kërkim. Prokuroria dhe policia janë duke punuar intensivisht për kapjen e tyre./ Arbresh.info/

LEXO EDHE